Aktivriege
Damenriege
Männerriege
Frauenriege
Jugendriegen
     
 
Home
Verein
News
Ländlertröffe
Kalender
Trainingsplan
Anlässe
Gästebuch
Galerie
Downloads
Sponsoren
Links
Kontakt
Alphütte
 
     
   
   


alle Sponsoren »
   
     
   
   
Heute hat kein Mitglied des TV Hundwil Geburtstag..

   
     
   
   

login

   
 
 
Gästebuch


« Einen neuen Eintrag verfassen »
 
Anzahl der Einträge: 1501

Wohnungssuchender

Himmelsterne wa isch enard i ösem schöne Dorf los? Me tröfft fangs nono jommerendi ond klagendi Gsichter a uf de Stross! Jede het gstaliert weg dene Festspiel wells gsperrt isch, well er ken Parkplatz het,wells zluut isch ond ond ond. Alles isch zviel ond alles sönd Holzchöpf. Niemert macht näbis recht ond deseb het sowieso nüd döre wie i gern het wölle! Ond mol eso im nochhinein momer glich säge jo chom aso schlecht isch enard nüd worde trotz de Menscheunwürdige Omständ.
De Festbetrieb ide Mitledi stoht au ide Sterne! Me khört nütz me! Stoht echt die letscht Onderhaltig vor de Töör? I wäss nüd söllemer die öberhopt no dörefüehre? Wär worschindli fast ringer mer wör die Lüüt vom Dorf scho chli a ösen Geisterdörfli gwöhne. Da lohnt sich jo den au nüme zom da alles förezropfe no för die paar Nase wo amel chömmed! De Uufwand isch doch viel zgross!
Au jo ond de Bronne! Seb isch amel au no schö gse dozmol womer no glebt het zHondwil! Do erinneri mi all wieder gern a mengi glatti Stond mit Kamerade, Familie, neue Gsichter ond au ältere Hondwiler zrogg! Aber gell de Uufwand ond die Chöschte wo da geht da cha sich jo chum lohne! Mer hets amel aso au fast sHerz broche wenni amel im Dorfbronne bi go Wasser hole. Jäää do hets Chrätz dine ka ond wüescht isch er gse. Aso ganz schlimm. E regelrechti Zuemuetig. I has den verdrängt ond probiert zvergesse aber promt en hufe Hondwiler ond au Osswertigi hend mi den uf osen wüeschte Bronne aagsproche!
Me chönnt ösen Dorfbronne natürlich au vergolde ond den mit Milch statt mit Wasser fölle ond den machemer efach no en schöne Haag dromome den cha niemert me id nöchi ond er isch den trotzdem no en Hinkucker. Zo allem anne wör mer dörd Milch de Bode nome gsie ond alli wäred glücklich.
Jä no segs wies wöll i wott uf jede fall jooo nünt mit dem ztue ha! Sölleds no mache, hoptsach i moss nüd! Wärmer efach zviel Uufwand ond dii nöchst Ziit isch sowieso gad alles echli zviel. Bi nämlich uf Wohnigssuechi ond den szöggle ond alles, gell! Viellicht tröfft mer den deför ame andere Ort echli optimistischeri ond ufgstellteri Lüüt a wo zfredner ond mit weniger Sorge dörs Lebe gönd.


ebefalls verrockt

genau, du treffsch de Nagel uf de chopf. jetzt hönd mer i ösem schöne Dorf immer meh jungi wo abwandered, wells ke Wohnige, Bauland ond bald ke agmessni infrastrukture het, ond de gmend eri enzige Problem sönd e paar lächerlichi striemli im dorfbronne.
mer sinniert stondelang drom omme, wie dass mer e intakts dorflebe herebringt. glichzitig lät mer sich aber selber wieder jede stää in weg ie wo mer gad fönt. isch amel efach schaad...
i wör mene, mer installiered am bronne e kässli, dass jede wo goht go bade en föfliiber ie wörft. denn chönd mer de bronne aljohr frisch striche ond mer sönd alli glücklich ond vo dere riiiise sorg befreit!


wütender

hoi mitenand

also i wäss nüd. sönd den da die gröschte Problem wo mer i ösere gmend hönd. dass mo all föf johr viellicht mol de bronne moss neu striche. es het sitt beginn vom sogenannte "bronnerecht" nie e sauerei oder sös irgendwelchi sachschäde a dere Wasserquell geh. ond da ahschauigsobjekt isch ersch dör da so richtig publik worde. Quelle: BLICK, APPENZELLER ZEITUNG
alli lüüt wo dra verbie fahret hönd freud, guuget, winket, haltet ah zom fotene mache, fölled ehri trinkesfläsche uf oder hocket mengmol gad au dezue wells ase choge gmüätloch ond forallem höckig isch. er isch mittlerwiile öber Kantonsgrenze us, ond sogär öber d Landesgrenze eweg bekannt. er isch also scho wie es kultobjekt, mit dem mer öserem Dorf, wo öberhobt noch Radio 170 regetäg het, e chli dörfligeischt iibringet ond geg osse, im gegesatz zo andere i de nöchi, welli letschti ebefalls i de ziitig gstande sönd, en positive Effekt büütet.
ond wenn die zwo "hans-bronnechnechte" zfuhl, ztomm oder wäss de tüfel nüd ah wa dass da cha ligge, dass mo immer moss irgend näbertem zlädwerche oder vergonnne, denn söllets doch eren striichpinsel am bronnekönig wieder abgeh. well de fönd garantiert en freiwillige oder e freiwilligi wo dem amt mit lieb ond seel noo goht ond dröberabe well er freud a de sach het viel besser macht ond erbe sicher no günstiger isch.

i wünsch dem ganze chindergarte en schöne 1. August, no e gfreute sommer ond viel schöni bronne stonde.


News

Do söll nomol en bhopte zHondwil lauft nünd...

www.appenzell24.ch/hinterland/sommerpause-fuer-ausverkauftes-festspiel/artikel_2787

www.appenzell24.ch/hinterland/auto-kollidiert-mit-brunnen/artikel_2790

www.appenzell24.ch/hinterland/hundwiler-betreibt--facebook--fuer-neonazis/artikel_2800


Urnäscher
TV Urnäsch

Hallo Hundwiler

Am Freitag treffen wir uns zum mittlerweile traditionellen Grillhöck mit euch. Da die Wetterprognosen äusserst vielversprechend sind, empfehlen wir euch die Badehosen mitzunehmen. Das Beachfeld, der Fussballplatz sowie die kühle Urnäsch versprechen schon heute einen gelungenen Abend!

Ab 19:00 sind wir bei der Feuerstelle Mitel anwesend.

Gruess TV Urnäsch



Wer das Spiel zom Fest auno wött live gsie ond no ke Tickets het mo sich spurte es het norno par wenigi freii Plätz im August!

Ond hüt Obet grosses Mittelfest im Festzelt!



!Achtung!

Scho isch wieder ä Johr vorbi ond äs isch wieder so wit: s'RedHole Fescht i sinnere 8. Usfüehrig stoht wieder vor dä Tür. Mer freued ös riesig, zämä mit eu ä genials Fescht z'erlebe!

S'Feschtzelt mit dä «Pläuschler» als Tanzmusig, d'Kafistobe mit dä Stockbergbuebe Amden, d'Bar mit DJ Beat ond dä spektakulär Mitternachtsevent garantiered, dass niemertem langwilig werd.

Also; chömed doch am Mittwoch, 31. Juli abem 8i of Gais ond stimmid eu mit dä Landjugend Gäbris of dä Geburtstag vo ösere schöne Schwiiz i!

Mer freued ös of eu!!!

OK RedHole Fescht



Sportclub Waldstatt

Badifest – Waldstatt – 3. August 2013!

Der Sportclub Waldstatt sorgt am diesjährigen Badifest wieder für beste Unterhaltung und hat zu diesem Anlass Top-Bands verpflichtet. In der Festwirtschaft heizt die bestbekannte „Erica Arnold“ mit Ihrer mittreissenden Stimme und Musik ein. Dazwischen sorgen Lucky & Martina von den „ecoustics“ für aufgestellte Abwechslung im Programm. Das „Echo vom Rütiberg“ wird mit seinen volkstümlichen Klängen in der Kaffeestube unterhalten. Natürlich laden auch Bar und Bierschwemme zum Verweilen ein, wobei mit dem Grill und weiteren Köstlichkeiten für das leibliche Wohl rundum gesorgt ist.

Wir freuen uns auf Euch,

„Sportclub Waldstatt“


steiner das eiserne kreuz

I gang sicher. De hütig obed lo i mer nüd entgoo. De zubi chonnt au. Me sötit no dichte. Ralph chonsch au?


S. R. aus H.

chont au näber go turne hüt? Emanuel? widermol e rechts Kampflisme oder halt en handjass?
Grues der der nicht im Tobel onne hocked! (No nüd)


Weitere Einträge:
« 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 »
tvh_guestbook v1.1© beni fässler
   
   
 
Im Moment findet keine Umfrage statt.
 
Alte Umfrageresultate»
   
     
   
    TV Hundwil:
Schwägalp-Schwinget
19.08.2018

Männerriege:
Turnfahrt
25./26.08.2018

Jugendriegen:
ATV Jugi Stafettenmeisterschaft
02.09.2018

Jugendriegen:
Jugiturnfahrt Mädchen
8./9.9.2018

Alle Termine/Details »
   
     
 
 
 
Online: 4
Heute: 129
Gestern: 172
Gesamt: 1389038

Besucherstatistik »
 
     
   
    17.07.2018 - 00:09 Uhr